«ابن النادي غصبن عن أي حد».. شوبير يعلق على أزمة تجديد محمد هاني مع الأهلي

هاجم أحمد شوبير حارس مرمى الأهلي ومنتخب مصر السابق من يهاجمون مدافع الفريق الكروي الأول بالأهلي محمد هاني لعدم تجديد عقده مع الأهلي حتى الآن.ودخل الأهلي منذ فترة في مفاوضات مع محمد هاني لتمديد عقده الذي ينتهي بنهاية الموسم المقبل لكنه لم يتوصل لاتفاق مع اللاعب حتى الآن.وقال أحمد شوبير: "محمد هاني عايز تقدير وفيه خلاف بخصوص تجديده حول نقطة نسبة المشاركة في المباريات، ونسبة المشاركة ده موضوع معقد شوية وكان فيه قرار في النادي اللي يصل لـ 200 مباراة يتم إلغاء نسبة المشاركة له ثم تراجعوا عن هذا القرار فيما بعد".وأوضح شوبير: "محمد هاني عشان متطلعش عليه الحملات الأيام اللي جاية، محدش يزايد عليه ده لاعيب لعب فوق الـ 400 مباراة مع النادي الأهلي، وده ابن النادي غصبن عن اي حد وأدى النادي أكثر من أحد حد، فمحدش يخش في المزايدات والشغل اللي اتعودنا عليه، وبقاله أكثر من 20 سنة في النادي وبيؤدي بشكل كويس، وغالبا الشغل اللي حصل مع بعض اللاعيبة في الفترة اللي فاتت مش هيحصل مع هاني بس عموما هو عيب".وأضاف شوبير: "المشكلة بس إن الناس مفكرة موضوع التجديد بده أقعد يلا امضي يمضي لأ ده فيه مفاوضات وفيه جلسات واتفاق فأرجوكم محدش يزايد على محمد هاني، هاني مش موظف في الأهلي هاني من الناس اللي ساهمت في تاريخ النادي ومن النادي المهمة في منتخب مصر بقاله سنوات".