أخبار متعلقة
مايفوتكش| عرض ثنائي الأهلي للبيع ورد الزمالك واحتفالية حسام حسن
الزمالك يعلن خوض وديتين في فترة التوقف الدولي
آخر حاجة| وجهة رمضان صبحي المقبلة و4 صفقات أمام الأهلي وقرار الزمالك
أخبار الزمالك.. تجهيز محمد السيد للقمة وانتعاش الخزينة بـ3 ملايين دولار
أعرب عاشور التقي لاعب نادي وادي دجلة السابق عن سعادته بتصعيد نجله حسام عاشور التقي إلى الفريق الأول بنادي الزمالك مشيرًا إلى أن مثله الأعلى محليًا هو محمود عبد الرازق شيكابالا نجم القلعة البيضاء، وليونيل ميسي نجم الأرجنتين عالميًا.
قال عاشور التقي في تصريحات خاصة لـ«الوطن سبورت»: «اللاعب لما بيتصعد للفريق الأول بيحس بنفسه، ودي طبعًا حاجة أنا مبسوط بيها جدًا، إنه اتصعد فريق أول مع الزمالك، وإن شاء الله ربنا يكرمه خلال الفترة الجاية».
عاشور التقي: إحنا عائلة زملكاوية من زمان
وأضاف: «إحنا عائلة زملكاوية من زمان، بعض الجماهير تشبه حسام بمصطفى فتحي، وحاليًا بيشبهوه بخوان بيزيرا، لكن بيزيرا في مكانة عالية وله وضع خاص، وطريقة لعبه خاصة به».
تابع: «دائمًا في نقاش ساخن بيني وبينه عن مين أحسن من التاني، وكل ده هزار طبعًا، حسام مثله الأعلي محليًا شيكابالا اسطورة نادي الزمالك وعالميًا ميسي»
وعن استعداد حسام لخوض المباريات مع الفريق الأول، قال: «أنا حضرت لحسام التمرين أمس مع الفريق الأول، وشايف إن إمكانيات حسام عايزة وقت بس مع الفريق الأول ولعب عشان يكتسب الخبرة، وعدم الرهبة من الجمهور والثقة والحاجات دي كلها».
ووجه والد اللاعب نصيحة لنجله: «أنصحه بحاجتين، أول حاجة دينيًا إنه يبقى مع ربنا سبحانه وتعالى، وربنا هيوفقه وهيوصله للي هو عايزه والحاجة التانية إنه وهو رايح التمرين يكون رايح يعمل حاجة هو بيحبها، فيستفيد منها مليون في المائة، ومينفعش ما يستفدش في التمرين، ويطلع كل طاقته في الملعب لحد ما يبقى راضي عن نفسه ويعمل اللي عليه، وربنا يوفقه في الآخر».
عن رسالة لجماهير الزمالك: «أقول لجماهير الزمالك الحمد لله إن اللاعيبة فرحتكم الفترة اللي فاتت، ودي حاجة كنا محتاجينها، والجمهور صراحة وراء النادي في كل حتة بلا يأس، وأنا واحد من الجمهور ودايمًا في ضهر النادي».
وأضاف: «نفسي أشوف حسام زي حسام غالي وعماد متعب، من أساطير الكرة المصرية ومخلصين جدًا للعب، وحبيتهم على المستوى الشخصي في فترة المنتخب، وأتمنى يطلع زيهم، نفسي حسام يطلع في سن صغير يحترف عشان ياخد الاحتراف كامل، لأنه لو احترف في سن كبير هيبقى الموضوع صعب، عندك مثلًا محمد صلاح احترف في سن صغيرة».
عاشور التقي: كنت سببا في احتراف صلاح
وكشف عاشور التقي كواليس دوره في بداية طريق محمد صلاح الاحترافي، قائلًا: «هقولكم مفاجأة، أنا اللي جبت يحيى علي لمحمد صلاح، وهو كان قاعد معايا في الأوضة في فترة المنتخب وقالي إيه رأيك أمضي مع تامر النحاس، قولتله بلاش، عندي ليك وكيل عندنا في نادي وادي دجلة عنده شركة تسويق في الخارج وهيفيدك جدًا».
وتابع: «قولتله اقعد مع يحيى وشوفه عجبك الكلام ولا لأ، وفعلاً جبت يحيى تاني يوم ومضى مع صلاح، وكانت أموره انتهت، والحمد لله إني كنت سبب من ضمن الأسباب في احتراف صلاح، وأتمنى لحسام إن ربنا يكرمه في أي حتة هو موجود فيها».
وكشف كواليس اختيار نجله للزمالك رغم وجود عرض من الأهلي، قال: «ساعة ما كان حسام جاله عرض من الزمالك، كان جاله الأهلي في نفس الوقت، والكابتن محمد عمر النور من الزمالك جه وقعد معايا، وأنا سبت الاختيار لحسام ابني يختار بين الأهلي والزمالك، وهو اللي اختار من نفسه الزمالك عشان هو زملكاوي، وأنا والله سبت له حرية الاختيار».
واختتم: «نفسي أشوفه في ريال مدريد، لكن أسلوب لعبه يتناسب مع برشلونة عشان كورته شبههم للأسف، وأنا بشجع ريال مدريد والزمالك، ولو حد من الاتنين خسر ممكن أعيط عادي، وبالتوفيق لريال مدريد في الفترة الجاية مع جوزيه مورينيو».
الزمالك
أخبار الزملك
عاشور التقي
حسام عاشور التقي
الزمالك اليوم
مايفوتكش| عرض ثنائي الأهلي للبيع ورد الزمالك واحتفالية حسام حسن
الزمالك يعلن خوض وديتين في فترة التوقف الدولي
آخر حاجة| وجهة رمضان صبحي المقبلة و4 صفقات أمام الأهلي وقرار الزمالك
أخبار الزمالك.. تجهيز محمد السيد للقمة وانتعاش الخزينة بـ3 ملايين دولار
أعرب عاشور التقي لاعب نادي وادي دجلة السابق عن سعادته بتصعيد نجله حسام عاشور التقي إلى الفريق الأول بنادي الزمالك مشيرًا إلى أن مثله الأعلى محليًا هو محمود عبد الرازق شيكابالا نجم القلعة البيضاء، وليونيل ميسي نجم الأرجنتين عالميًا.
قال عاشور التقي في تصريحات خاصة لـ«الوطن سبورت»: «اللاعب لما بيتصعد للفريق الأول بيحس بنفسه، ودي طبعًا حاجة أنا مبسوط بيها جدًا، إنه اتصعد فريق أول مع الزمالك، وإن شاء الله ربنا يكرمه خلال الفترة الجاية».
عاشور التقي: إحنا عائلة زملكاوية من زمان
وأضاف: «إحنا عائلة زملكاوية من زمان، بعض الجماهير تشبه حسام بمصطفى فتحي، وحاليًا بيشبهوه بخوان بيزيرا، لكن بيزيرا في مكانة عالية وله وضع خاص، وطريقة لعبه خاصة به».
تابع: «دائمًا في نقاش ساخن بيني وبينه عن مين أحسن من التاني، وكل ده هزار طبعًا، حسام مثله الأعلي محليًا شيكابالا اسطورة نادي الزمالك وعالميًا ميسي»
وعن استعداد حسام لخوض المباريات مع الفريق الأول، قال: «أنا حضرت لحسام التمرين أمس مع الفريق الأول، وشايف إن إمكانيات حسام عايزة وقت بس مع الفريق الأول ولعب عشان يكتسب الخبرة، وعدم الرهبة من الجمهور والثقة والحاجات دي كلها».
ووجه والد اللاعب نصيحة لنجله: «أنصحه بحاجتين، أول حاجة دينيًا إنه يبقى مع ربنا سبحانه وتعالى، وربنا هيوفقه وهيوصله للي هو عايزه والحاجة التانية إنه وهو رايح التمرين يكون رايح يعمل حاجة هو بيحبها، فيستفيد منها مليون في المائة، ومينفعش ما يستفدش في التمرين، ويطلع كل طاقته في الملعب لحد ما يبقى راضي عن نفسه ويعمل اللي عليه، وربنا يوفقه في الآخر».
عن رسالة لجماهير الزمالك: «أقول لجماهير الزمالك الحمد لله إن اللاعيبة فرحتكم الفترة اللي فاتت، ودي حاجة كنا محتاجينها، والجمهور صراحة وراء النادي في كل حتة بلا يأس، وأنا واحد من الجمهور ودايمًا في ضهر النادي».
وأضاف: «نفسي أشوف حسام زي حسام غالي وعماد متعب، من أساطير الكرة المصرية ومخلصين جدًا للعب، وحبيتهم على المستوى الشخصي في فترة المنتخب، وأتمنى يطلع زيهم، نفسي حسام يطلع في سن صغير يحترف عشان ياخد الاحتراف كامل، لأنه لو احترف في سن كبير هيبقى الموضوع صعب، عندك مثلًا محمد صلاح احترف في سن صغيرة».
عاشور التقي: كنت سببا في احتراف صلاح
وكشف عاشور التقي كواليس دوره في بداية طريق محمد صلاح الاحترافي، قائلًا: «هقولكم مفاجأة، أنا اللي جبت يحيى علي لمحمد صلاح، وهو كان قاعد معايا في الأوضة في فترة المنتخب وقالي إيه رأيك أمضي مع تامر النحاس، قولتله بلاش، عندي ليك وكيل عندنا في نادي وادي دجلة عنده شركة تسويق في الخارج وهيفيدك جدًا».
وتابع: «قولتله اقعد مع يحيى وشوفه عجبك الكلام ولا لأ، وفعلاً جبت يحيى تاني يوم ومضى مع صلاح، وكانت أموره انتهت، والحمد لله إني كنت سبب من ضمن الأسباب في احتراف صلاح، وأتمنى لحسام إن ربنا يكرمه في أي حتة هو موجود فيها».
وكشف كواليس اختيار نجله للزمالك رغم وجود عرض من الأهلي، قال: «ساعة ما كان حسام جاله عرض من الزمالك، كان جاله الأهلي في نفس الوقت، والكابتن محمد عمر النور من الزمالك جه وقعد معايا، وأنا سبت الاختيار لحسام ابني يختار بين الأهلي والزمالك، وهو اللي اختار من نفسه الزمالك عشان هو زملكاوي، وأنا والله سبت له حرية الاختيار».
واختتم: «نفسي أشوفه في ريال مدريد، لكن أسلوب لعبه يتناسب مع برشلونة عشان كورته شبههم للأسف، وأنا بشجع ريال مدريد والزمالك، ولو حد من الاتنين خسر ممكن أعيط عادي، وبالتوفيق لريال مدريد في الفترة الجاية مع جوزيه مورينيو».
الزمالك
أخبار الزملك
عاشور التقي
حسام عاشور التقي
الزمالك اليوم
