أخبار متعلقة
الزمالك يحسم جدل التحقيق في عقد خوان بيزيرا
حكام فرنسا «ممنوعون» من إدارة قمة الأهلي والزمالك.. اعرف التفاصيل
قناة مفتوحة تنقل مباراة الزمالك ولوس أنجلوس في كأس العالم لليد
أوباما يكشف كواليس الزمالك.. 5 تصريحات عن شيكابالا وزيزو وعقود اللاعبين
أعرب محمود عبد الونيس، والد محمد ونيس، لاعب وسط الزمالك مواليد 2008، عن سعادته الكبيرة بتصعيد نجله إلى صفوف الفريق الأول بالنادي، مؤكداً أن الزمالك يمثل مدرسة كبيرة في كرة القدم، وأن عائلته ارتبطت بالنادي منذ سنوات طويلة.
والد محمد ونيس:الزمالك مدرسة الفن والهندسة
وقال محمود عبد الونيس في تصريحات خاصة لـ«الوطن سبورت»: «أنا سعيد جداً بصعود ابني للفريق الأول في الزمالك، لأن الزمالك مدرسة الفن والهندسة، إحنا من البداية كنا بنشجع الترسانة، وبعد كده بقينا زملكاوية، وإحنا موجودين في النادي من سنة 2016».
وأضاف: «أنا معرفش أتفرج غير على الزمالك وريال مدريد، ولو الزمالك مش بيلعب بتفرج على ريال مدريد، وإحنا مش بنستمتع إلا وإحنا بنتفرج على الزمالك».
وتابع: «أنا بحب المعلم حسن شحاتة جداً، وهو من الحاجات الجميلة في تاريخنا، وأتمنى من ربنا يشفيه ويعافيه ويقومه لنا بالسلامة».
وعن نصائحه الدائمة لنجله، قال: «بنصح ونيس دايماً إنه يصلي، وياكل كويس، وينام بدري، ويكون على قلب راجل واحد مع زمايله في التمرين ومع الزمالك، الزمالك طول عمره عنده لاعيبة رجالة، حتى في ظل الظروف الصعبة اللي بيمر بيها الفريق».
وواصل: «عندنا عناصر قوية جداً في الفريق، زي عبدالله السعيد والونش ومحمد إسماعيل والمهدي سليمان، وإحنا ورا الزمالك تحت أي ظرف من الظروف، وإن شاء الله نقدر ناخد كل البطولات في الفترة الجاية، ونحافظ على الدوري للموسم الثاني على التوالي، ونرجع ناخد دوري أبطال أفريقيا».
وكشف والد اللاعب أن زوجته كانت تشجع الأهلي قبل انضمام نجله للزمالك، قائلاً: «مراتي كانت أهلاوية، لكن لما ونيس راح الزمالك بقت زملكاوية كبيرة».
وعن مثله الأعلى، أوضح: «مثله الأعلى محلياً عبدالله السعيد، وعالمياً محمد صلاح، وأنا نفسي أشوف ابني بيلعب في أوروبا زي محمد صلاح، وده حلم عمري».
وتحدث عن طموح نجله داخل الزمالك، قائلاً: «ابني مميز وموهوب جداً، وهو أشول، وكل اللي محتاجه إنه يتمرن كتير مع الفريق الأول، وأنا مش قلقان عليه جوه الزمالك، لأن الزمالك مدرسة الفن والهندسة».
وأكمل: «الزمالك فيه أساطير كتير جداً، ونفسي أشوف ونيس زي شيكابالا وحمادة عبد اللطيف وحسن شحاتة وفاروق جعفر وفتوح، لأن دول مهارياً في حتة تانية ومشوفتش زيهم».
والد ونيس: شيكابالا من أحسن اللاعبين في تاريخ مصر
وأشاد بموهبة شيكابالا، قائلاً: «شيكابالا ده مشوفتش زيه، لاعب جامد جداً ومن أحسن اللاعبين في تاريخ مصر، وعنده رجل شمال ذهبية».
وعن رحلة نجله في اختبارات الزمالك، قال: «لما روحت اختبارات الزمالك، سامي الشيشيني كان بيساعدنا جداً وكان جدع معانا، وكنا ديماً بنروح الاختبارات من الفجر من البحيرة لميت عقبة، واللي ساعدنا كمان أحمد رزق وسيد سلامة، ربنا يكرمهم يا رب، وفي ناس تانية كتير للأسف مش فاكر أسماءهم».
والد ونيس : لو اتعرض علينا كنوز الدنيا في الأهلي مش هنروح
وشدد والد محمد ونيس على ارتباط الأسرة بالزمالك، قائلاً: «لو اتعرض علينا كنوز الدنيا في الأهلي مش هنروح، عمرنا ما نبيع بيتنا اللي ربانا، وإحنا عاملين زي السمك والماية بتاعتنا الزمالك، ومنقدرش نبعد عنه، ولما الزمالك بيخسر بزعل جداً».
ووجه رسالة إلى جماهير الزمالك قائلاً: «خليكم ورا الزمالك، إنتوا اللي جبتوا الدوري السنة اللي فاتت، وإن شاء الله تفضلوا دايماً سند للفريق».
واختتم: «إحنا من قرية طيبة، مركز الدلنجات، محافظة البحيرة، وبشكر كل الناس اللي ساعدتنا في كل حتة راح فيها محمد، وأنا ممتن ليكم جداً».
الزمالك
أخبار الزمالك
الزمالك اليوم
محمد ونيس
الزمالك يحسم جدل التحقيق في عقد خوان بيزيرا
حكام فرنسا «ممنوعون» من إدارة قمة الأهلي والزمالك.. اعرف التفاصيل
قناة مفتوحة تنقل مباراة الزمالك ولوس أنجلوس في كأس العالم لليد
أوباما يكشف كواليس الزمالك.. 5 تصريحات عن شيكابالا وزيزو وعقود اللاعبين
أعرب محمود عبد الونيس، والد محمد ونيس، لاعب وسط الزمالك مواليد 2008، عن سعادته الكبيرة بتصعيد نجله إلى صفوف الفريق الأول بالنادي، مؤكداً أن الزمالك يمثل مدرسة كبيرة في كرة القدم، وأن عائلته ارتبطت بالنادي منذ سنوات طويلة.
والد محمد ونيس:الزمالك مدرسة الفن والهندسة
وقال محمود عبد الونيس في تصريحات خاصة لـ«الوطن سبورت»: «أنا سعيد جداً بصعود ابني للفريق الأول في الزمالك، لأن الزمالك مدرسة الفن والهندسة، إحنا من البداية كنا بنشجع الترسانة، وبعد كده بقينا زملكاوية، وإحنا موجودين في النادي من سنة 2016».
وأضاف: «أنا معرفش أتفرج غير على الزمالك وريال مدريد، ولو الزمالك مش بيلعب بتفرج على ريال مدريد، وإحنا مش بنستمتع إلا وإحنا بنتفرج على الزمالك».
وتابع: «أنا بحب المعلم حسن شحاتة جداً، وهو من الحاجات الجميلة في تاريخنا، وأتمنى من ربنا يشفيه ويعافيه ويقومه لنا بالسلامة».
وعن نصائحه الدائمة لنجله، قال: «بنصح ونيس دايماً إنه يصلي، وياكل كويس، وينام بدري، ويكون على قلب راجل واحد مع زمايله في التمرين ومع الزمالك، الزمالك طول عمره عنده لاعيبة رجالة، حتى في ظل الظروف الصعبة اللي بيمر بيها الفريق».
وواصل: «عندنا عناصر قوية جداً في الفريق، زي عبدالله السعيد والونش ومحمد إسماعيل والمهدي سليمان، وإحنا ورا الزمالك تحت أي ظرف من الظروف، وإن شاء الله نقدر ناخد كل البطولات في الفترة الجاية، ونحافظ على الدوري للموسم الثاني على التوالي، ونرجع ناخد دوري أبطال أفريقيا».
وكشف والد اللاعب أن زوجته كانت تشجع الأهلي قبل انضمام نجله للزمالك، قائلاً: «مراتي كانت أهلاوية، لكن لما ونيس راح الزمالك بقت زملكاوية كبيرة».
وعن مثله الأعلى، أوضح: «مثله الأعلى محلياً عبدالله السعيد، وعالمياً محمد صلاح، وأنا نفسي أشوف ابني بيلعب في أوروبا زي محمد صلاح، وده حلم عمري».
وتحدث عن طموح نجله داخل الزمالك، قائلاً: «ابني مميز وموهوب جداً، وهو أشول، وكل اللي محتاجه إنه يتمرن كتير مع الفريق الأول، وأنا مش قلقان عليه جوه الزمالك، لأن الزمالك مدرسة الفن والهندسة».
وأكمل: «الزمالك فيه أساطير كتير جداً، ونفسي أشوف ونيس زي شيكابالا وحمادة عبد اللطيف وحسن شحاتة وفاروق جعفر وفتوح، لأن دول مهارياً في حتة تانية ومشوفتش زيهم».
والد ونيس: شيكابالا من أحسن اللاعبين في تاريخ مصر
وأشاد بموهبة شيكابالا، قائلاً: «شيكابالا ده مشوفتش زيه، لاعب جامد جداً ومن أحسن اللاعبين في تاريخ مصر، وعنده رجل شمال ذهبية».
وعن رحلة نجله في اختبارات الزمالك، قال: «لما روحت اختبارات الزمالك، سامي الشيشيني كان بيساعدنا جداً وكان جدع معانا، وكنا ديماً بنروح الاختبارات من الفجر من البحيرة لميت عقبة، واللي ساعدنا كمان أحمد رزق وسيد سلامة، ربنا يكرمهم يا رب، وفي ناس تانية كتير للأسف مش فاكر أسماءهم».
والد ونيس : لو اتعرض علينا كنوز الدنيا في الأهلي مش هنروح
وشدد والد محمد ونيس على ارتباط الأسرة بالزمالك، قائلاً: «لو اتعرض علينا كنوز الدنيا في الأهلي مش هنروح، عمرنا ما نبيع بيتنا اللي ربانا، وإحنا عاملين زي السمك والماية بتاعتنا الزمالك، ومنقدرش نبعد عنه، ولما الزمالك بيخسر بزعل جداً».
ووجه رسالة إلى جماهير الزمالك قائلاً: «خليكم ورا الزمالك، إنتوا اللي جبتوا الدوري السنة اللي فاتت، وإن شاء الله تفضلوا دايماً سند للفريق».
واختتم: «إحنا من قرية طيبة، مركز الدلنجات، محافظة البحيرة، وبشكر كل الناس اللي ساعدتنا في كل حتة راح فيها محمد، وأنا ممتن ليكم جداً».
الزمالك
أخبار الزمالك
الزمالك اليوم
محمد ونيس
