«موهبة فذة».. أيمن يونس يعلق على موقف فتوح من الزمالك: «بيعه يبقى بنهزر»

علق أيمن يونس، نجم نادي الزمالك السابق، على الجدل المثار خلال الساعات الماضية بشأن موقف أحمد فتوح لاعب الفريق الأول لكرة القدم بنادي الزمالك، من الاستمرار مع الفريق أو بيعه لـ أهلي بني غازي الليبي.وقال أيمن يونس، بتصريحاته عبر برنامج «ملعب أون» المذاع على قناة «أون سبورت»: «فتوح موهبة فذة ولعيب غير عادي، ولكن درجات تركيزه محتاجه حد معاه باستمرار، وعنده مشاكل بدنيًا، ولكن كمخ كورة فذ».وأضاف: «اعتقد إنه محتاج يستعيد هدوئه مع نفسه، ويشوف طريقه، عايش مشاكل كتيرة أوي مش موجودة في حياته».وتابع: «الكلام عن بيع فتوح هزار، هو فاضل إية في فرقه الزمالك، نخلص عليها ونبيع كل الفرقه، سددت الديون ببيع البعض ولكن في لعيبه مينفعش تتباع».واختتم يونس حديثه قائلًا: «فتوح لو عاش للكورة هيبقى في حته تانية خالص زي محمد صلاح، لازم يحافظ على النعمة دي ويقدرها، وياخي لما تبطل كورة يبقى أعمل اللي انت عايزه».